Fransa çempionatının 22-ci turunda bu gün saat 00:00-da başlamalı olan “Marsel" – “Renn” oyunu təxirə salınıb.

Sportfm.az xəbər verir ki, buna "Marsel" azarkeşlərinin klubun bazasına hücum etməsi səbəb olub.

Fransa mətbuatı 200-ə yaxın azarkeşin klub rəhbərliyinə etiraz olaraq əllərində yanan məşəllə "Marsel"in bazasına girmək istədiyini yazıb. Onlar komandanın son nəticələrindən narazıdır. 

Qeyd edək ki, Andre Villaş-Boaşın çalışdırdığı "Marsel" son 8 oyunda cəmi 1 qələbə qazanıb və 32 xalla 7-ci pillədə qərarlaşıb.