Rusiyanın ÇSKA klubuna keçən Azərbaycan millisinin məşqçisi Dmitri Kramarenko Moskva klubunun mətbuat xidmətinə müsahibə verib.

Sportfm.az xəbər verir ki, 47 yaşlı mütəxəssis, müsahibəsində ÇSKA-nın təklifini tez bir zamanda qəbul etdiyini deyib:

“Həqiqətən, qərarı tez verdim. Üç ildir ki, Azərbaycan yığmasında çalışıram, təklif yeni il ərəfəsində gəldi. ÇSKA rəhbərliyi danışıqlarımız çox çəkmədi. İki işi də görməyimin problem olmayacağı qənaətinə gəldik. Sonra yığmanın rəhbərliyi ilə danışdım, onlar da mənimlə razılaşdılar. Nəticədə, hamımız ortaq bir qərara gəldik”.