"Yuventus”un hücumçusu Kriştiano Ronaldo rəsmi matçlarda qolların sayına görə dünya rekordunu təkrarlayıb.

Sportfm.az xəbər verir ki, portuqaliyalı futbolçu buna ötən gecə A seriyasının “Sassuolo”ya qarşı oyununda (3:1) nail olub.

Görüşdə son nöqtəni qoyan 35 yaşlı futbolçunun bu qolu klub və yığmadakı karyerasında 759-cu olub. 1931-1955-ci illərdə eyni sayda qol vuran çexiyalı hücumçu Jozef Biçan bunadək tək bombardir idi.

Qeyd edək ki, Ronaldo daha əvvəl qolların sayında əfsanəvi Peleni də ötüb.