İtaliyanın "Napoli" klubuna məxsus stadionun adı dəyişdirilib.

Sportfm.az xəbər verir ki, arena komandanın sabiq kapitanı Dieqo Maradonanın şərəfinə "Dieqo Armando Maradona" stadionu adlandırılıb.

Bununla bağlı qərarı Neapoli şəhərinin rəhbərliyi qəbul edib. Sorğuda yerli bələdiyyənin bütün üzvləri dəyişikliyin lehinə səs veriblər.

"Napoli" növbəti ev oyununu dekabrın 12-də İtaliya A Seriyasının XI turu çərçivəsində "Sampdoriya"ya qarşı keçirəcək.

Qeyd edək ki, Dieqo Maradona noyabrın 25-də ürəktutmasından dünyasını dəyişib. Argentinalı əfsanəvi futbolçu 1984 - 1991-ci illərdə "Napoli"də çıxış edib.

Oxşar xəbərlər

Maradonanı təhqir edən KİV-lər məhkəməyə verildi

Maradonanın adı küçəyə veriləcək - Buenos-Ayresdə

Maradonanın adı stadionuna veriləcək - İtaliyada

Maradonanın adı əbədiləşdirildi - Dieqo Armando Maradona kuboku olacaq

Maradonanın rekordu bu gün qırıla bilər!