Mütləq Döyüş Çempionatının (UFC) yüngül çəkidə rusiyalı kəmər sahibi Həbib Nurməhəmmədov peşəkar karyerasının son döyüşünü kanadalı Jorj Sen-Pyerə qarşı keçirə bilər.

Sportfm.az xəbər verir ki, bu barədə UFC-nin prezidenti Deyna Uayt ESPN nəşrinə açıqlamasında deyib.

O bildirib ki, irlandiyalı döyüşçü Konor Makqreqor da Nurməhəmmədovla revanş görüşü istəyir: "Bilmirəm, bunu təşkil etmək mümkün olacaq, ya yox. Çünki, Konor karyerasını bitirib. Görək, hər şey necə bitəcək. Əlbəttə, bu, Həbibin sonuncu döyüşü olacaqsa, Sen-Pyer variantı da mümkündür. O, döyüş sənətində, idmanda özünü yaxşı göstərdi. Həbibi çox sevirəm, ona görə də istədiyini təşkil etməyə hazıram".

Qeyd edək ki, indiyədək 28 döyüş keçirən Həbib Nurməhəmmədov 30 görüşdən sonra karyerasını başa vuracağını deyib. Bu mənada, Sen-Pyerlə qarşılaşma onun üçün sonuncu ola bilər.

Həbibin növbəti rəqibi ABŞ təmsilçisi Castin Geyci olsa da, meneceri Rizvan Maqomedov rusiyalı idmançının bu görüşdə iştirak etməyəcəyini açıqlayıb.

Oxşar xəbərlər

Yaxınları Həbibin döyüşünə buraxılmadı - Açıqlama

Həbib Nurməhəmmədov döyüşdən imtina etdi

Həbiblə Makqreqor arasında revanş baş tutmayacaq - "Makqreqor şansını gözləməlidir"

Həbib revanş görüşü istəmir!

Nurməhəmmədovun potensial rəqibləri məlum oldu