Braziliya millisinin sabiq üzvü, hazırda "Santos”da çıxış edən Elano Blumer karyerasını başa vurmağa hazırlaşır. Futbol11.az xəbər verir ki, bu barədə yarımmüdafiəçinin özü məlumat verib. O bildirib ki, cari ilin sonunda futbolla vidalaşacaq və hazırda formasını geyindiyi "Santos” klubunda məşqçiliyə başlayacaq.  Elano "Santos”da köməkçi-məşqçi kimi fəaliyyət göstərəcək.    

Qeyd edək ki, 2004-2011-ci illər ərzində Braziliya yığmasında 50 oyunda 9 qol vuran 35 yaşlı təcrübəli futbolçu karyerası ərzində "Mançester Siti”, "Qalatasaray” və "Şaxtyor” kimi klubların formasını geyinib.