FİFA referisi Əliyar Ağayev Avropa Liqasının qrup mərhələsinin növbəti matçına təyinat alıb. Sportfm.az xəbər verir ki, FİFA referimiz Almaniyada meydana çıxacaq. UEFA, Avropa Liqasının qrup mərhələsinin 5-ci turunun "Şalke” (Almaniya) – "Nitsa” (Fransa) oyununda Ağayevə etimad göstərib. Əliyar Ağayevə yan xətt hakimləri kimi Zeynal Zeynalov və Rza Məmmədov kömək edəcək. Görüşdə 4-cü hakim funksiyasını Mübariz Haşımov yerinə yetirəcək.  Orxan Məmmədov və Rəhim Həsənov isə əlavə köməkçi hakimlər qismində təmsil olunacaqlar.

Qeyd edək ki, Əliyar Ağayevin idarə edəcəyi oyun 24 noyabrda "Veltins-Arena"da keçiriləcək.