UEFA Moskvanın Mərkəzi Ordu İdman Klubu və Finlandiya millisinin üzvü Roman Yeremenkoya ağır cəza tətbiq edib. Qol.az-ın qurumun saytına istinadən yaydığı xəbərə görə, futbolçunun dopinq-testi müsbət nəticə verib.  Kokain qəbul etməkdə təqsirli bilinən Yeremenko iki il müddətinə futboldan uzaqlaşdırılıb. Ondan Çempionlar Liqasının bu il sentyabrın 14-də "Bayer”lə oyundan (2:2) sonra götürülən dopinq-testin müsbət olub. UEFA-nın qərarına əsasən, Yeremenko 2018-ci ilin oktyabrın 6-dək heç bir futbol turnirində iştirak edə bilməyəcək.

Qərar razılaşmayan futbolçunun klubu apelyasiya şikayəti verəcəyini açıqlayıb.