Sportfm.az xəbər verir ki, UFC turniri 9 mayda keçirməyi planlaşdırır. Plan həyata keçsə, UFC 249 mart ayından bəri baş tutmuş ilk böyük idman hadisəsi olacaq.

Tədbirin yeri hələlik müəyyənləşməsə də, Deyna Uayt aprelin 18-nə təyin olunmuş kartların mümkün qədər çoxunun keçirilməsi üçün çalışır. UFC 249-un əsas hadisəsi Toni Ferqyuson - Castin Qetji döyüşü olmalıdı. Qetji Həbib Nurməhəmmədovu əvəzləyəcək. Turnirin Ramazan ayına təsadüf edəcəyini nəzərə alsaq, rus idmançının iştirakının qeyri-mümkün olduğunu deyə bilərik. Üstəlik, Həbib oktaqona avqust-sentyabr aylarında qayıtmağı planlaşdırır.

UFC 249-un əsas sürprizi Entoni Pettis və Donald Kovboy Serrone arasındakı döyüş ola bilər.