Almaniya Bundesliqasında mübarizə aparan daha bir klub koronavirus pandemiyasına görə yaranan böhranla əlaqədar futbolçularının maaşlarını azaltmağa qərar verib.

Sportfm.az xəbər verir ki, söhbət “Volfsburq”dan gedir.

Klubun rəsmi saytının yaydığı məlumata görə, futbolçu və məşqçi heyəti məvaciblərinin böyük hissəsindən imtina ediblər. Klub rəhbərliyində çalışanlar da oxşar addımı atıblar.

Xatırladaq ki, Bundesliqada daha öncə “Bavariya”, “Borussiya” (Dortmund), “Yunion Berlin”, “Şalke”, “Bayer” və “Leyptsiq” klublarında da futbolçular və məşqçilər maaşlarının azaldılmasına razılıq vermişdilər.