Macarıstan yığmasının qapıçısı Qabor Kiray millidəki karyerasını başa vurub. Sportfm.az xarici mətbuata istinadən xəbər verir ki, 40 yaşlı qolkiper İsveçlə yoxlama matçında millidəki son oyununu keçirib. 1998-ci ildən Macarsıtan millisində 108 oyunda çıxan Kiray yığmada ən çox oyun keçirən futbolçudur. 

Qeyd edək ki, "Avro-2016"da iştirak edən Q.Kiray Avropa çempionatlarının final tarixinin ən yaşlı futbolçusu olub. O, hazırda Macarıstanın "Haladaş" klubunda çıxış edir.