Azərbaycan milli komandasının martın 23-dən Maltada təşkil olunması nəzərdə tutulmuş təlim-məşq toplanışı, hazırlıq prosesi çərçivəsində martın 26-da Lixtenşteyn, martın 30-da isə Malta millisi ilə keçiriləcək yoldaşlıq oyunları ləğv olunub.

Sportfm.az xəbər verir ki, bununla əlaqədar AFFA tərəfindən UEFA-ya, Malta və Lixtenşteyn futbol federasiyalarına müvafiq qaydada məlumatlandırılıb.  

Qərar son zamanlar dünyanın müxtəlif ölkələrində koronavirus (COVİD-19) infeksiyasının geniş yayılması, yaranmış vəziyyətin Ümumdünya Səhiyyə Təşkilatı tərəfindən pandemiya kimi dəyərləndirilməsi, Malta Respublikasının bir neçə Avropa ölkəsindən (Almaniya, Fransa, İspaniya, İsveçrə) təyyarə reyslərini qəbul etməməsi, Azərbaycan milli komandasının heyətinə xarici ölkələrdən dəvət olunan futbolçuların səyahət riskinin (virusla əlaqədar) olması, komanda üzvlərinin və nümayəndə heyətinin yoluxma ehtimalının qarşısının alınması məqsədilə qəbul olunub.

Qeyd edək ki, toplanış martın 31-dək davam etməli idi. 

Oxşar xəbərlər

Yığmamız Maltaya qarşı - Yoldaşlıq matçı

Xokkey üzrə dünya çempionatı ləğv olundu - Koronavirusa görə

Milli komandamızın Türkiyə ilə oyunu ləğv edildi

"Qarabağ" koronavirusa görə məşqləri dayandırdı

Yığmamız Maltada Lixtenşteynlə üz-üzə gələcək