"Qəbələ"nin yarımmüdafiəçisi Kamal Mirzəyev karyerasını Küveytdə davam etdirə bilər.

Sportfm.az xəbər verir ki, 24 yaşlı futbolçunu yüksək liqada çıxış edən "Əl-Salmiyə" klubu transfer etmək üzrədir. Hazırda küveytlilər "Qəbələ" ilə transferin detallarını müzakirə edir. Kamalın keçidi üçün "qırmızı-qaralar"a müəyyən qədər təzminat ödəniləcək.

Bakıda təlim-məşq toplanışında olan "Əl-Salmiyə"nin baş məşqçisi Milud Həmdi Mirzəyevi "Qəbələ"yə qarşı keçirdikləri yoxlama oyununda bəyənib. Kamalı arzuladığı ideal 11-likdə görən Əlcəzair əsilli fransalı mütəxəssis klub rəhbərliyindən futbolçunun transferini tələb edib.

1964-cü ildə yaranmış Küveyt klubu ötən mövsüm Premyer Liqanı 3-cü yerdə başa vurub.

Azərbaycanın U-21 millisində çıxış etmiş futbolçu "Qəbələ"nin yetirməsidir. Kamal AZAL, "Sumqayıt" və "Zirə" klublarının da formasını geyinib. (Sportal.az)

Oxşar xəbərlər

Kamal Küveytdə növbəti qolunu vurdu

Kamalın komandası lider oldu

Kamal qol vurdu, komandası qalib gəldi

"Qəbələ"dən Küveytə ikinci transfer

Küveyt klubu azərbaycanlı futbolçunu transfer etdi - FOTO