Bu gün "Sərhədçi” İdman Olimpiya Kompleksində cüdo üzrə 23 yaşadək gənclər arasında Azərbaycan Birinciliyinə start verilib. Sportfm.az xəbər verir ki, Gənclər və İdman Nazirliyi, Azərbaycan Cüdo Federasiyasının təşkilatçılığı ilə 49 komandanın iştirak etdiyi yarışda 270 cüdoçu (231 oğlan, 39 qız) fəxri kürsünün yüksək pillələrinə çıxmaq üçün mübarizə aparır.  Yarışın ilk günündə oğlanlar arasında 60 kq, 73 kq, 81 kq, qızlarda isə bütün çəki dərəcələrində çıxış edən cüdoçular medallar uğrunda qüvvələrini sınayırlar. Yarışın keçirilməsində əsas məqsəd milli komandamız üçün gənc və perespektivli cüdoçuları müəyyənləşdirməkdir. Qaliblərə diplomlar və medallar veriləcək.  

Qeyd edək ki, Azərbaycan Birinciliyinə sabah yekun vurulacaq.