Azərbaycanı UEFA Çempionlar Liqasında təmsil edəcək “Qarabağ”ın potensial rəqibləri müəyyənləşib.

Sportfm.az xəbər verir ki, birinci təsnifat mərhələsindən mübarizəyə qoşulacaq Qurban Qurbanovun yetirmələri “səpələnmişlər” səbətində yer alıblar. Bu səbətdə “Qarabağ”dan başqa Seltik” (Şotlandiya), BATE (Belarus), “Astana” (Qazaxıstan), “Srvena Zvezda” (Serbiya), “Şerif” (Moldova), “Rusenborq” (Norveç), HİK (Finlandiya), “Dundalk” (İrlandiya), “Düdelanj” (Lüksemburq), “Şkendiya” (Makedoniya), TNS (Uels), “Slovan” (Slovakiya) klubları yer alıblar.

“Qarabağ”a potensial rəqib olacaq klublar isə “Suduva” (Litva), “Sarayevo” (Bosniys və Herseqovina), “Valletta” (Malta), “Pyast” (Polşa), “ÇFR Kluj” (Rumıniya), “Ferensvaroş” (Macarstan), “Nomme Kalyu” (Estoniya), “Partizani” (Albaniya), “Valyur” (İslandiya), “Linfild” (Şimali İrlandiya), “HB Torshavn” (Farer adaları), “Riqa” (Latviya), “Saburtalo” (Gürcüstan) və AIK (İsveç) komandalarıdır.

Ümumilikdə birinci təsnifat mərhələsində 32 komanda iştirak edəcək ki, onlardan 25-i bəllidir. Klublardan 13-ü səpələnmiş, 9-u səpələnməmişlər arasında yer alsa da, 3 komandanın hansı səbətdə yer alacağı hələ məlum deyil.

Qeyd edək ki, Çempionlar Liqasının birinci və ikinci təsnifat mərhələlərinin püşkatma mərasimi iyunun 18-19-da keçiriləcək.