Bakı Olimpiya Stadionunda Avropa Liqasının final oyununa ciddi hazırlıq işləri davam etdirilir. Bunu AFFA-nın İnformasiya və ictimaiyyətlə əlaqələr departamentinin rəhbəri Firuz Abdulla deyib. 

Sportfm.az xəbər verir ki, qurum rəsmisinin sözlərinə görə, hazırda Bakı Olimpiya Stadionu "Çelsi" - "Arsenal" oyununu izləmək üçün 63 min nəfər azarkeşi qəbul etməyə hazırdır: "Stadion 68 min nəfərə yaxın azarkeş tutumludur. Lakin final oyunu ilə bağlı UEFA bəzi dəyişikliklər edib. Stadionda studiyalar qurulub, xüsusi yerlər yaradılıb. Ona görə də hazırda stadion 63 min nəfər azarkeş qəbul edə biləcək". 

Xatırladaq ki, mayın 29-da Bakıda keçiriləcək UEFA Avropa Liqasının final matçında 30 mindən çox əcnəbi azarkeş iştirak edəcək. 

Yarış ərəfəsində azarkeşlərin rahat və təhlükəsiz daşınması üçün 12 məntəqədə 450 avtobus fəaliyyət göstərəcək. Bakı Beynəlxalq Hava Limanına çarter reysi ilə gələn "Çelsi" və "Arsenal" azarkeşləri üçün 40 marşrut avtobusu ayrılıb ("Trend").

Oxşar xəbərlər

Dünyanın diqqəti Bakıda! - Bu gün finaldır

"Çelsi" və "Arsenal" azarkeşləri üçün Bakıda 3 ərazi ayrıldı

Bakı Olimpiya stadionu tam dolmayacaq! - Açıqlama

Azarkeş Festivalında finalın rəsmi ictimai baxışı

"Çelsi" və "Arsenal"ın nümayəndələri Bakıda səfərdədir