İngiltərə Premyer Liqasının 25-ci turun mərkəzi qarşılaşmasında "Mançester Siti" doğma azarkeşlər önündə "Arsenal"ı qəbul edib.

Sportfm.az xəbər verir ki, görüş meydan sahiblərinin 3:1 hesablı qələbəsi ilə başa çatıb. "Şəhərlilər"in heyətində hər üç qolu argentinalı Serxio Aquero vurub. "Arsenal" klubunun qoluna Loran Koselni imza atıb.

Günün digər qarşılaşmasından "Mançester Yunayted" səfərdə "Lester"i minimal hesabla məğlub edib (1:0).

Turun ən məhsuldar görüşü “Stemford Bric” stadionunda olub. “Haddersfild”i qəbul edən “Çelsi” 5:0 hesablı qələbə qazanıb. “Çelsi”nin qollarını yeni transfer Qonzalo İquayin (16, 69), Eden Hazar (45, 66) və David Luiz (86) vurublar.

Turun digər oyunlarında aşağıdakı hesablar qeydə alınıb:

“Brayton”-“Uotford” - 0:0

“Börnli” – “Sauthempton” - 1:1

“Kristal Pelas” – “Fulhem” - 2:0

“Everton” – “Vulverhempton” - 1:3

“Kardiff Siti” – “Bornmut” - 2:0.

Qeyd edək ki, tura fevralın 4-də keçiriləcək “Vest Hem Yunayted”-“Liverpul” oyunu ilə yekun vurulacaq.

Oxşar xəbərlər

“Mançester Siti” 4 qolla qalib gəldi - Premyer Liqa

"Liverpul" 4 qola "qonaq edilərək" yola salındı

Premyer Liqanın təqvimi açıqlandı - SİYAHI

Premyer Liqada Rəhim şousu - VİDEO

"Liverpul" yenə xal itirdi - VİDEO