“Qəbələ”nin U-19 komandasında baş məşqçi dəyişikliyi gerçəkləşib.

Sportfm.az xəbər verir ki, Famil Xəlilov Gənclər Liqasında mübarizə aparan “qırmızı-qaralar”ın baş məşqçisi təyin olunub. 2017-2018-ci illər mövsümündə bu komanda ilə Azərbaycan çempionu olan mütəxəssis ötən ilin avqustunda U-19-dan ayrılmışdı. Buna səbəb Xəlilovun 15 yaşadək futbolçulardan ibarət Azərbaycan milli komandasının baş məşqçi təyin olunması idi. 

Beş aydan sonra “Qəbələ”yə qayıdan mütəxəssis U-19-da Emin İmaməliyevi əvəzləyib. Sonuncu müxtəlif komandalarını çalışdırdığı futbol akademiyasından ayrılıb. İmaməliyev karyerasını 2001-2002-ci il təvəllüdlü futbolçulardan ibarət Azərbaycan milli komandasında məşqçi kimi davam etdirəcək.

Oxşar xəbərlər

"Sabah"da yeni təyinatlar

"Qəbələ"də yeni baş məşqçi - FOTO

Axır ki, 15 yaşlılardan ibarət milli komandamızın baş məşqçisi müəyyənləşdi

Millimizin sabiq üzvü "Qəbələ"də baş məşqçi oldu

Quliyevi Baxşıyev əvəz edəcək