Beynəlxalq Futbol Tarixi və Statistikaları Federasiyası (İFFHS) dünyanın ən yaxşı liqalarının siyahısını açıqlayıb.

Sportfm.az xəbər verir ki, 2018-ci ilin yekunlarına əsasən tərtib olunan cədvəldə planetin ən yaxşı 80 çempionatı yer alıb.

Siyahıda Azərbaycan çempionatı da var. Topaz Premyer Liqası ötən ilin nəticələrinə görə dünyada 70-cidi. Çempionatımızın əmsalı 306 xala bərabərdi.

Bir il öncə - 2017-ci ilin yekunlarında dünyanın 50-cisi olan Premyer Liqamız bu müddətdə 20 pillə geriləyib.

Son bir ildə ABŞ, Çili, İrlandiya, Latviya, Qvatemala, Estoniya, Kosta-Rika, Tailand, Macarıstan, BƏƏ, Anqola, Gürcüstan, Peru, Litva, Venesuela, Əlcəzair, Slovakiya, Qətər, Zambiya və Konqo çempionatları Premyer Liqamızı keçib.

Qeyd edək ki, siyahıya İspaniya La Liqası başçılıq edir - 1256 xal. İngiltərə 1050 xalla 2-ci, Braziliya 1043 xalla 3-cüdü. İlk "onluq"da Kolumbiya (1028), İtaliya (998), Argentina (902), Fransa (895), Almaniya (834,5), Şotlandiya (720,5) və Portuqaliya (714,5) çempionatları da yer alıb. Qonşu Türkiyə 6 pillə geriləyərək 570,5 xalla 20-ci sırada qərarlaşıb.(matç.az)

Oxşar xəbərlər

Premyer Liqa 14 pillə irəlilədi - Avropa reytinqi

Premyer Liqamız dünya reytinqində irəlilədi

Premyer Liqası dünyada 60-cı pillədə

"Qarabağ" ən yaxşılar sırasında

"Qarabağ" dünyanın ən yaxşıları sırasında