Avropa Liqasının "pley-off" mərhələsi çərçivəsində təmsilçilərimiz "Qarabağ" və "Qəbələ" cavab matçına çıxacaq. Sportfm.az xəbər verir ki, hər iki klubumuzun oyunu televiziya vasitəsilə canlı yayımlanacaq.

 

İlk matçda səfərdə İsveçin "Qöteborq" klubuna 0:1 hesabı ilə məğlub olan "Qarabağ" avqustun 25-də Tofiq Bəhramov adına Respublika stadionunda revanş matçına çıxacaq. Saat 20:30-da start götürəcək bu qarçılaşma futbolsevərlərə "İdman Azərbaycan" telekanalı vasitəsilə canlı olaraq təqdim olunacaq.

 

"Qəbələ" isə Sloveniyada "Maribor"un qonağı olacaq. Bakıda keçirilən görüşdə rəqibini 3:1 hesabı ilə məğlub edən "qırmızı-qaralar"ın cavab oyunu "CBC Sport" kanalından canlı yayımlanacaq. "Maribor" - "Qəbələ" matçı 25 avqust, saat 22:15-də baş tutacaq.