"Aston Villa"dan ayrılan Con Terri Rusiyanın "Spartak" klubuna transfer olmaqdan imtina edib.

Sportfm.az xəbər verir ki, 37 yaşlı müdafiəçi bu barədə sosial şəbəkə hesabında məlumat verib: "Uzun müddət düşündükdən sonra Moskva klubuna getməmək barədə qərar verdim. "Spartak"a təşəkkür edirəm və mövsümün qalan hissəsində onlara uğurlar arzulayıram. Peşəkarlıqlarına heyran qaldım. Ancaq ailəmlə görüşündən sonra Rusiyanın yaxşı seçim olmadığına qərar verdik. Uğurlar, "Spartak"!"

Con Terri daha öncə "Qarabağ"ın Avropa Liqasındakı rəqibi Lissabon "Sportinq"inə keçməkdən imtina edib. 

Qeyd edək ki, Con Terri 2003-2012-ci illərdə İngiltərə millisində çıxış edib. Təcrübəli futbolçu "Vest Hem" və "Çelsi" kimi klublarda çıxış edib. Terri ötən mövsümü "Aston Villa"da keçirib.

Oxşar xəbərlər

2 sabiq futbolçunun adı Premyer Liqanın Şərəf Zalına daxil edildi

Millinin sabiq baş məşqçisi dünyasını dəyişdi

"Spartak"ın oyunçusu "Neftçi"dən imtina etdi

"Qarabağ"ın rəqibi Con Terrini transfer etmək istəyir

Daha bir ulduz futbolçusu Çinə köçür