Samir Zərgərov Azərbaycan çempionatlarında 250-ci oyununu keçirib. Sportfm.az PFL-in rəsmi saytına istinadən xəbər verir ki, yarımmüdafiəçinin yubiley matçı Topaz Premyer Liqasının II turunda baş tutub. Bu yay "Qəbələ”dən "İnter”ə keçən futbolçu 81-ci dəqiqədə meydana çıxmaqla, yubileyini sabiq komandası ilə qarşılaşmada qeyd edib. Yüksək liqada 2004/05 mövsümündə "Ədliyyə”nin heyətində debüt edən Samir 12-ci mövsümündə 250-yə çatıb. O, ölkə çempionatları tarixinə 250 və daha çox oyun keçirən 49-cu futbolçu kimi tarixə düşüb. Zərgərov bu görüşlərdə 32 qol sevinci yaşayıb.

Yarımmüdafiəçi 250 oyunu 6 klubda keçirib. "Qəbələ”də 95, "Ədliyyə”də 30, "Simurq”da 28, "Kəpəz”də 25, "Standard”da 23 matça çıxan Zərgərov "İnter”də 49 qarşılaşmanın iştirakçısı olub. Bu da o deməkdir ki, növbəti tur da onun üçün yubileylə əlamətdar olacaq. O, paytaxt klubunda 50-ci çempionat görüşünə çıxacaq. Samir bu dəfə də sabiq komandalarından biri – "Kəpəz”lə görüşəcək.

 

2004/05	Ədliyyə (Bakı)	30	3
2006/07	Gilan (Qəbələ)	21	1
2007/08	Qəbələ	24	3
2008/09	Qəbələ	24	3
2009/10	Standard (Sumqayıt)	23	3
2010/11	Gəncə	25	4
2011/12	İnter (Bakı)	24	2
2012/13	İnter (Bakı)	19	4
2013/14	İnter (Bakı)	4	1
2014/15	Simurq (Zaqatala)	28	5
2015/16	Qəbələ	26	3
2016/17	İnter (Bakı)	2	0
Cəmi		250	32