İyulun 22-də “Bakı-2018” II beynəlxalq həmrəylik tennis çempionatının texniki iclası və fərdi yarışların püşkatma mərasimi keçirilib.

Sportfm.az xəbər verir ki, iclasda Albaniya, Azərbaycan, Bəhreyn, Belarus, İraq, Qırğızıstan, Liviya, Maldiv adaları, Mozambik, Rusiya, Səudiyyə Ərəbistanı, Seneqal, Tacikistan, Türkiyə və Uqandadan gələn idmançılar iştirak ediblər.

Texniki iclasın rəhbəri və çempionatın baş hakimi, türkiyəli Ahmet Sert idmançıların qruplara bölünməsi, püşkatma və nəticələrinin paylanması haqqında məlumat verib. Bildirilib ki, çempionatda 18 qız və 23 oğlan yarışacaq.

Qeyd edək ki, cüt yarışların püşkatma mərasiminin iyulun 23-də keçirilməsi nəzərdə tutulur.

Xatırladaq ki, ikinci Beynəlxalq Həmrəylik Tennis Çempionatı iyulun 23-27-də Bakı Tennis Akademiyasında keçiriləcək. 

Oxşar xəbərlər

Bakıdakı Beynəlxalq Turnir başa çatdı

İdmançımz beynəlxalq turnirin qalibi oldu - Uğur

Azərbaycan və Liviyanın MOK-ları arasında görüş keçirildi

Bakıda ikinci beynəlxalq həmrəylik tennis çempionatı keçiriləcək

İslam Həmrəylik Oyunlarının keçiriləcəyi yerlər - SİYAHI