Yeni mövsümün hazırlıqlarını Sloveniyada davam etdirən Türkiyənin "Trabzonspor" klubu yoxlama görüşündə qüvvəsini sınayıb.  

Sportfm.az xəbər verir ki, Qara dəniz təmsilçisi yerli "Triqlav" komandası ilə üz-üzə gəlib. Görüş trabzonluların 2:0 hesablı qələbəsi ilə yekunlaşıb.  Qarşılaşmada qolları Huqo Rodalleqa və Luis İbanez vurublar.  

Qarşılaşmada milli komandamızın üzvü Ramil Şeydayev də iştirak edib. O, 68-ci dəqiqədə Muhammet Beşirin əvəzinə meydana daxil olub.  

Qeyd edək ki, Ramil Şeydayev Avstriyanın "Mattersburq" klubu ilə danışıq aparsa da, keçid son anda reallaşmayıb.