Misir yığmasının hücumçusu Məhəmməd Salah DÇ-2018-in qrup mərhələsinin ilk turunda Uruqvayla oyuna hazır olduğunu bildirib.

Sportfm.az xəbər verir ki, bu barədə futbolçu bazar günü Qroznıdakı açıq məşqdən sonra jurnalistlərə açıqlama verib.

Misir yığması bu gün Qroznıya gedib və "Axmat-Arena"da açıq məşq olub. Salah açıq məşqdə iştirak etməsə də, meydançaya çıxıb və azarkeşləri salamlayıb.

Xatırladaq ki, misirli forvard çempionlar Liqasının finalında "Real"la oyunda çiynindən zədələnmişdi. Onun Uruqvayla oyunu buraxacağı ehtimal olunsa da, görünür, futbolçu artıq özünü hazır hiss edir:

"Özümü yaxşı hiss edirəm. Uruqvayla oyunda meydana çıxmağa köklənmişəm. Komandamızın hara kimi gedəcəyini bilmirəm. Ancaq turnirə yaxşı hazırlaşmışıq, ümidlərimiz böyükdür. 28 ildən sonra dünya çempionatında iştirak edəcəyik".

Oxşar xəbərlər

Millidə Neymar şoku - İki oyunu buraxacaq

Məhəmməd Salah start heyətdə yer almadı

Salah Uruqvayla oyuna yetişəcəkmi?

Salah dünya çempionatında çıxış edəcək - RƏSMİ

Salah Dünya Çempionatında oynaya biləcəkmi?