"İnter"in və İtaliya millisinin sabiq hücumçusu Kristian Vyeri futbola qayıdır. Komanda.az xəbər verir ki, bu barədə sabiq futbolçu özü "instaqram" səhifəsində məlumat verib. O, karyerasını Çində davam etdirmək qərarına gəldiyini bildirib: "Çox vacib bir xəbərim var. Futbola Çində geri dönürəm". 43 yaşlı sabiq hücumçu bunun üçün artıq çəkidən azad olduğunu da qeyd edib: "5 ay əvvəl çəkim 101 kq idi. İndi isə 91 kq çəkim var. Daha 2 kq arıqlayaraq, 89 kq olmağı planlaşdırıram".

Vyeri karyerası ərzində "Yuventus", "İnter", "Milan", "Atletiko" kimi klubların şərəfni qoruyub. İtaliya millisinin heyətində 49 oyun keçirən Bobo ləqəbli forvard, 23 qola imza atıb.