"Fənərbaxça”nın hücumçusu Robin van Persi karyerasını Şotlandiya çempionatında davam etdirə bilər. Apasport.az saytı Britaniya mətbuatına istinadən xəbər verir ki, 33 yaşlı futbolçu ilə "Reyncers” klubu yaxından maraqlanır. Hollandiya yığmasının üzvü bu təklifə müsbət cavab verməyi düşünür. Van Persi "sarı-lacivərtlilər”ə komandasını dəyişmək istəyini artıq çatdırıb.

 

Qeyd edək ki, karyerası ərzində "Feyenord”, "Arsenal” və "Mançester Yunayted” klublarının da formasını geyinmiş van Persi 2015-ci ildən "Fənərbaxça”nın uğurları üçün çalışır.