Arsen Vengerin mövsümün sonunda "Arsenal"dan ayrılıq qərarı verməsindən sonra "topçular"ın yeni baş məşqçisinin kim olacağı böyük maraqla gözlənilir. 

Sportfm.az xəbər verir ki, komandanın prezidenti İvan Qazidis yeni baş məşqçinin "Mançester Siti"də Pep Qvardiolanın köməkçisi olan Mikel Artetanın ola biləcəyini deyib. Arteta ilə yanaşı, Luis Enrike, Paulo Fonçeska, Brendan Rocers və Yulian Naqelsmann da London klubunun yeni baş məşqçisi adına namizəddir. 

"Arsenal" azarkeşləri sosial şəbəkələrdə Artetanın yeni baş məşqçi olması iddialarına etiraz ediblər. Onlar komandanın gənc və təcrübəsiz mütəxəssisə tapşırılmasını istəmirlər. 

Qeyd edək ki, 36 yaşlı Arteta 2011/16-cı illərdə "Arsenal"da çıxış edib və karyerasını bu komandada başa vurub.

Oxşar xəbərlər

Bu dəfə Artetaya göz dikdilər

33 ildən sonra baş verən hadisə - Arteta bunu bacardı

London klubunu da ispaniyalı çalışdıracaq

"Arsenal"ın yeni kapitanı

Qvardiolanın yeni köməkçisi bəlli oldu