"Qarabağ"ın sabiq futbolçusu Danilo Diasin yeni klubu müəyyənləşib. Qol.az-ın Portuqaliya mətbuatına istinadən verdiyi məlumata görə, braziliyalı futbolçu karyerasını vətənində davam etdirəcək. "Qarabağ"dan ayrılaraq Portuqaliyanın "Union Madeyra" klubuna transfer olunan Dias bundan sonra Braziliyanın "A" Seriya təmsilçisi "Amerika"da oynayacaq. Braziliya klubu Azərbaycan Premyer Liqasında oynamış daha bir futbolçunu heyətinə qatıb. "Neftçi"nin sabiq futbolçusu, ötən mövsümü Təbrizin "Traktor Sazi" klubunda keçirən Karlos Kardozo da "Amerika"ya transfer olunub. Braziliyalı müdafiəçi "A" Seriya təmsilçisi ilə mövsümün sonuna qədər müqavilə imzalayıb.

Qeyd edək ki, "Amerika" hazırda davam edən "A" Seriyada geridə qalan 14 turdan sonra 8 xalla turnir cədvəlinin sonuncu - 20-ci pilləsində qərarlaşıb.