Sportfm.az xəbər verir ki, Quzanlı Olimpiya İdman Kompleksində keçirilən festivalda biri qız olmaqla 111 nəfər iştirak edib. Tədbirdə fəal iştirak etdiklərinə görə Fərid Məmmədov, Kamil Əliyev, Kənan Qarayev, Emin Mehrəliyev, Rəvan Əhmədli və Səid Rüstəmli AFFA tərəfindən hədiyyələrlə mükafatlandırılıblar.

Tərtər rayon İdman və Gənclər mərkəzinin meydançasında keçirilən festivalda isə 72 uşaq iştirak edib. Fəal iştirak etdiklərinə görə Ömər Əlili, Elgiz İsayev, Mehrac İsgəndərli, Elton Hüseynli, Sadiq Cabbarzadə, Cavid Məmmədzadə və Müslüm Həbibova assosiasiya tərəfindən hədiyyələr təqdim edilib.

Xatırladaq ki, layihənin həyata keçirilməsində məqsəd qaçqın və məcburi köçkün ailələrindən olan uşaqlar arasında futbolun kütləviliyini artırmaq, uşaqların və yeniyetmələrin asudə vaxtlarının səmərəli təşkili, onlarda futbola və digər idman növlərinə maraq yaratmaq, sağlam həyat tərzini təbliğ etməkdir.