Azərbaycan millisi Hollandiyanın paytaxtı Amsterdamda keçirilən atletika üzrə Avropa çempionatında ilk medalını qazanıb. Apasport.az saytının məlumatına görə, qadınların çəkicatma yarışlarında ölkəmizi təmsil edən Anna Skidan uğurla çıxış edib. 24 yaşlı atletimiz Avropa çempionatını 3-cü yerdə başa vurub. Bürünc medal qazana Skidan 3-cü cəhdində 73,83 m nəticə göstərib. O, yarışın qalibi polşalı Anita Vlodarskidən 4,31 m, gümüş qazanan almaniyalı Betti Heydlerdeən 1,94 m geri qalıb. Qeyd edək ki, Skidan Rio-2016-da da ölkəmizi təmsil edəcək.