Türkiyənin "Fənərbaxça” klubu daha bir futbolçunu heyətinə cəlb edir. Qol.az-ın Türkiyə KİV-lərinə istinadən yaydığı xəbərə görə, İstanbul klubu "Liverpul”un futbolçusu Martin Şkrteli transfer edir. Artıq tərəflər arasında razılıq əldə olunub. İyulun 11-də slovakiyalı müdafiəçinin İstanbula gələrək müqavilə imzalayacağı gözlənilir. Qeyd edək ki, 32 yaşlı futbolçu 2008-ci ildən "Liverpul”un şərəfini qoruyur.